HISTORIA CAPA
CAPA a ser lanta door di miembronan di SEPPA dia 10 december 1979.
Fundadornan di CAPA. tabata Leo Yarzagaray, Ronald Malmberg, Mario Franken, Wichi Wever, Lucio Croes y otro compañeronan for di nos sindicato SEPPA.
Manera tur organización CAPA a conoce su ups and downs durante su trayectoria.
Dia 3 december 2009, CAPA su statutonan a ser prolonga pa otro 30 aña mas.
Aserca a bini varios cambionan pa actualisa e statutonan, e.o cu e exigencianan di Banco Central pa loke ta e ley “Landsverordening Toezicht Kredietwezen”.
Awe, e Directiva di CAPA hunto cu comision di credito y comision di supervisión ta haciendo lo maximo pa CAPA bira un cooperativa grandi y respeta na Aruba.
Nos Principio y Balornan:
1.1.Afiliación liber y habri
Afiliacion na un cooperativa mester ta boluntario. Miembrecia mester ta habri pa tur hende c uta miembro di nos sindicato y cu ta accepta e responsabilidadnan y obligacionnan cu miembrecia ta trece cune, sin ningun clase di discriminación a base di distinción social, politico, racial o religioso y sin restricción artificial.
1.2.Administración democrático y responsabel
Cooperativanan ta organisacionnan democratico.
Administradornan mester ta hende responsabel, eligi door di of cu a haya nombramento cu aprobación di miembronan. Administradornan mester duna cuenta na miembronan.
1.3.Honestidad
Nos organizacion ta crea base di confianza y un reputacion di honestidad.
1.4.Principio democratico y solidario
Tur miembro tin e mesun derecho di voto den “Reunion General”, esta “one member, one vote”. Tambe e miembronan tin e mesun derecho den tumamento di decisión cu ta afecta su cooperativa.
1.5.Educación continuo
Crea fondo pa actividadnan educativo na fabor di miembronan, dirigentenan, empleadonan y publico en general. Mester siña hende principionan y tecnica di cooperativisimo, tanto den su aspectonan economico como aspectonan democratico.
1.6.Cooperativismo
Nos ta valora nos relación cu e miembro. CAPA su punto di salida ta cu e miembro mes ta juda otro. Esaki door di stimula spaarmento, crea posibilidad di fianza y encurasha mayor afiliación.
1.7.Integridad
Nos transaccionnan ta abase di un nivel halto di integridad.